Fine moments during the retirement function of Dr D Jayarama Reddy, Principal, SVGM GDC Kalyandurg 

 ఈ సమావేశం జరుగుతున్న ప్రాంగణం అనంతపురం లోని ప్రభుత్వ పారిశ్రామిక శిక్షణా సంస్థ. అంటే ITI. నీ కాలేజీ లో నీవు పాటాలు చెప్పుకోక, ఇక్కడ నీకేం పని అని మీరు అడగవచ్చు. చాలా విచిత్రంగా నాకు ఈ రోజు ఇక్కడ ఒక అవగాహనా సదస్సు లో పాల్గొనే అవకాశం వచ్చింది. నాకు ఈ ప్రాంగణం తో చాలా అనుబంధం ఉంది. ఇది రైల్వే ట్రాక్ కు ఆనుకుని ఉంటుంది. దీనిని చాలా చక్కగా ఇప్పుడు తీర్చిదిద్దారనుకోండి. చూసి నిజంగా ఆశ్చర్యపోయాను. చిన్నప్పుడు, సైకిల్ ఈ ప్రాంగణం లోనే నేర్చుకున్నాను. 'అంత చిన్నోడివి, అంత పెద్ద సైకిల్ ఎలా, ఆ వయసులో నేర్చుకున్నావు? 'అని అడకండి. నేను నేర్చుకున్నది కూడా చిన్న సైకిలే. అప్పట్లో ఒక రోజుకు దాని బాడుగ (కిరాయి లేదా అద్దె అనుకోండి  ) కేవలం రెండు రూపాయలు మాత్రమే. ఈ రోజు ఈ సదస్సులో పాల్గొంటూ ఉంటే ఆ జ్ఞాపకాలు స్టాండ్ వేసిన సైకిల్ చక్రం తిరిగినట్టు గిర్రున నా బుర్రలో తిరిగాయి. "నీ గతం సోది ఎవరికి కావాలి? నీవు అక్కడికి వెళ్ళి పొడిచింది ఏమిటి?" అని మీ  తరువాతి ప్రశ్న కదా!!!! నిజంగా అంత మంది పిల్లలు అమాయకంగా నేను చెప్పబోయేది వినడానికి కూచుని ఉంటే తెగ ముచ్చటేసింది. ఎవరు ఎవరి మాట వినని ఈ కాలంలో వీళ్ళు ఎంత అమాయకంగా కూచున్నారు అనిపించింది. ఎక్కువ మంది పదవ తరగతి ప్యాస్ అయిన వాళ్ళే. ఒకటీ, అరా ఇంటర్ పూర్తీ చేసుకున్నారు.  ఉన్నత చదువులు కొనసాగించడానికి ఆర్థికపరమైన వెసులుబాటు లేక ఇలా ఐ టి ఐ లో చేరిపోయారు. నిజానికి వీరిని ట్రైనీస్ అనాలి. విద్యార్థులు అనడానికి లేదు. వారు శిక్షణ పొందుతున్న కోర్సు లను trades అనాలి. మొదటిసారి శ్రమను గౌరవించే పిల్లలతో గడుపుతున్నాను అనిపించి సంతోషమేసింది. వీరికి కష్టం విలువ తెలుసు. మా కాలేజీ లో విద్యార్థులకు విజ్ఞానం ఉండవచ్చు. కానీ వీరికి నైపుణ్యం ఉంది. నైపుణ్యాన్ని మించిన వనరు ఏముంది ఈ కాలం లో. వీరిలో ఎలాగైనా స్పూర్తిని రగిలించాలి అనుకుని ఈ క్రింది సూచనలు ఇచ్చాను. 

- Skill India కు మీ అవసరం ఎంతో ఉంది. 

- మీకు నచ్చిన, వచ్చిన ట్రేడ్ లో నైపుణ్యాన్ని సంపాదించండి 

- మీ స్కిల్స్ కు ఆధునిక టెక్నికల్ సొబగులు అద్దండి 

- మార్కెట్ తీరు తెన్నులను గమనించండి. 

- ముందు, ముందు, డిగ్రీ కళాశాలలు అన్నీ ITI తో అనుసంధానం అవుతాయి.

- On Job Training సమయం లో వృత్తి పరమైన నైపుణ్యాలను మెరుగుపరుచుకోండి. 

- డిజిటల్ స్కిల్స్ కూడా నేర్చుకోండి. 

- అమెరికా లాంటి చోట్ల ప్లంబింగ్, ఎలెక్ట్రికల్ పనులకు ఎంత డిమాండ్ ఉందో గుర్తించండి. 

- భారత దేశం లో కూడా మీ వృత్తి నైపుణ్యాలకు మంచి డిమాండ్ ఉంది. దీనిని డబ్బుగా మార్చుకునే నైపుణ్యం కూడా మీరు అలవరుచుకోవాలి. డబ్బు సంపాదించడం తో ఆగకండి. డబ్బును సంపదగా, సంపదను  ఐశ్వర్యం గా మార్చుకోగల సూత్రాలు నేర్చుకోండి. 

- అన్నిటికంటే మించి మీ స్కిల్స్ ను అప్డేట్ చేసుకోండి. విజయీభవ అంటూ ముగించాను. 

నాకు ఈ అవకాశం కల్పించిన ANSET విజయకుమార్ గారికి, శ్రీనివాసులు గారికి ధన్యవాదాలు. 

కొసమెరుపు ఏమంటే, నేను మాట్లాడేటప్పుడు ఒక పిల్లవాడు ముసిముసి గా నవ్వుకుంటూ ఉన్నాడు. మొహం మీద కందెన మరకలు వాడికి. బహుశా మెకానికల్ ట్రేడ్ లో శిక్షణ పొందుతూ ఉన్నాడేమో వాడు. మొహం మీద  కందెన మరకలతో వాడు నవ్వుతూ ఉంటే, నిండు చందమామ పాండ్స్ పౌడర్ పూసుకుని పళ్లికిలిస్తున్నట్టు ఉంది. వాడు నన్ను ఆశీర్వదించినట్టు అనిపించింది. ఇది చాలు ఈ జీవితానికి అనుకుంటూ  సదస్సును ముగించాను. 

 Our faculty members Dr.B.Sreedevi and G L N Prasad have participated in102 episode of  Man ki bath live programme on 18th June 2023 and this has been telecast by DD channel 

https://www.youtube.com/live/dZgY1mmlwcE?feature=share

 Shot a video on SVGM Govt Degree College, Kalyandurg by the faculty member G L N Prasad at Govt College (A) Anantapur on 15th June 2023 

 Some more fine moments captured by camera during Yuvotsav festival organized by Nehru Yuva Kendra at SSBN Degree college, Anantapur on 27th May 2023

 These photos are related to Yuvotsav organized by Nehru Yuva Kendra at SSBN Degree College at Anantapur on 27th May 2023 in which our faculty member G L N Prasad participated as Jury member. Competitions are held in the events like elocution, photography, painting, essay writing and dance. 

 

పిల్లలు ఏవైనా అబద్దాలు చెపుతున్నట్టు అనిపిస్తే " ఏరా! కథలు చెపుతున్నావా ఏంది రోయ్?" అని మనం దబాయిస్తాం. ఇక మన విద్యార్థులైతే మనకు ఎన్ని కథలు చెపుతారో.కదా! ఏరా ఆలస్యం అయింది అంటే చాలు .. ఒక్కొక్కడు ఒక్కో కథ వినిపిస్తాడు. మన విద్యార్థులతో స్క్రిప్ట్ రాయిస్తే ఒక పది బాహుబలులు తీయొచ్చు. దీని అర్థం మన విద్యార్థులలో సృజనాత్మకత బోలెడంత ఉంది అని. కాబట్టి దీనిని నిజంగా కథలు రాసే వైపు మళ్ళిస్తే బాగుంటుంది అనే ఆలోచనతో నే , మా ప్రిన్సిపల్ డాక్టర్ జయరామ రెడ్డి , హిందూపూర్ ప్రభుత్వ డిగ్రీ కళాశాల ప్రిన్సిపల్ డాక్టర్ ప్రగతి గారిని కథా సాహిత్యం మీద ప్రసంగించమని 25 ఏప్రిల్ 2023 న ఆహ్వానించారు. ఆ కార్యక్రమానికి చెందిన చిత్తరువులే ఇవి. ఆమె మాటల్లోనే కథ ఎలా రాయాలో తెలుసుకుందాము. 

- భాష మీద పట్టు సంపాదించుకోవాలి. మాండలిక భాష లు, దాని యాసలు తెలిసిఉండాలి. 

- పాత్రోచిత సంభాషణ ఎలా ఉండాలో తెలుసుకుని ఉండాలి. ఏ పాత్ర ఏ పలుకుబడి ని  

   ఉపయోగిస్తే సహజత్వం ఉంటుందో తెలియాలి 

- కథా వస్తువులను సమాజం నుంచే తీసుకోవాలి. 

- పాత్ర ను చిత్రీకరించేటప్పుడు, దాని వృత్తిని, ప్రవృత్తి నీ బట్టే సంభాషణ ఉండాలి 

- కథలో సామాజిక స్పృహ ఉండాలి 

- తెలిసిన  అంశాల  గురించి మాత్రమే రాయాలి. 

- అభూత కల్పనలను కథలో చొప్పించకూడదు 

- మూఢ నమ్మకాలను ప్రోత్సహించేదిగా కథ ఉండకూడదు. 

- కథా గమనం లో ఎక్కడా ఉత్సాహం తగ్గే అంశాలు జోడించకూడదు. 

- వ్యాసం లాగా కథను రాయకూడదు. 

ఇలాంటి విషయాలు చెపుతూనే, తను రాసిన కథలను ప్రగతీ మేడమ్ ఉదాహరణలుగా ప్రస్తావించారు. మా కళాశాల గ్రంథాలయానికి ఆమె రాసిన కథల పుస్తకాలను బహుకరించారు. 

మా విద్యార్థులు కూడా వారి కలానికి పదను పెట్టి కథలు రాయడానికి ఉద్యుక్తులయ్యేలా కనిపించారు. ఒక విద్యార్థి నన్నే చూస్తున్నాడు. ఈ బడుద్ధాయిని చూస్తుంటే వీడు రాయ బోయే కథలో నన్నో పాత్ర లా ఇరికించే పనిలో ఉన్నట్టు అనిపిస్తోంది.  ఇక మన కథ వీడి చేతిలో ఏ మలుపు తిరుగుతుందో కదా!!!!. చూద్దాం.. ఏ కథయినా సుఖాంతం అయితే చాలు.. అదే పది వేలు. 

కథ కు, కవిత కు ఉన్న తేడా ను సినారె మాటల్లో తెలుసుకుని ఈ అంకాన్ని ముగిద్దాం. 

"కవిత్వం కప్పి చెపుతుంది.. కథ విప్పి చెపుతుంది" - సినారె 

మా విద్యార్థులు రేపటి నుంచి ఎన్ని కథలు చెపుతారో చూడాలి మరి. 

                                                                                            - G L N ప్రసాద్